ಹನಿಗಳು

ಮಳೆಗಾಗಿ ಕಾದಿರುವ

ಇಳೆಯನ್ನು ಕಂಡಾಗ 

ಒಳಮನಸಿಗೇಕೊ ನೋವು  

*******************

ಗಡಿ ಕಾವ ಸೈನಿಕನು 

ನಾಡ ರಕ್ಷಣೆಗೆಂದು 

ಮಡಿದಾಗ ಮನ ಮಿಡಿಯಿತು. 

*******************

ಶುಭಾಷಯ

ನಮ್ಮ ಸ್ಕಂದ ಭುವಿಗೆ ಬಂದು 
ವರ್ಷವಾಯಿತು 
ನಮ್ಮ ಮನೆಗೂ, ಮನಕೂ ಬಹಳ 
ಹರ್ಷವಾಯಿತು. 

ಪುಟ್ಟ ಪುಟ್ಟ ಹೆಜ್ಜೆ ಹಾಕಿ 
ಮನೆಯ ತುಂಬಾ ನಡೆಯುವ 
ತೊದಲು ಭಾಷೆಯಿಂದ ನಮ್ಮ 
ಮನವ ಮೋಡಿ ಮಾಡುವ. 

ನನ್ನ ಮೇಲೆ ಕುಳಿತು ತಾನು
ಆಟವಾಡುವ.
ಏನು ಬೇಕೋ ಕೇಳಿ ಪಡೆದು
ಖುಷಿಯ ಪಡೆಯುವ.

ಮುಗ್ಧ ನಗುವ ಬೀರಿ ನಮ್ಮ
ದುಗುಡ ಕಳೆಯುವ
ತುಂಟತನದಿ ಆಟವಾಡಿ
ನಕ್ಕು ನಲಿಯುವ.