ಉಳಿಯಬೇಕಿದ್ದರೆ
ಮುಖ್ಯಮಂತ್ರಿ ಹುದ್ದೆ
ಬಿಡಬೇಕಾಗುತ್ತದೆ
ಹಲವು ದಿನ ನಿದ್ದೆ
ಉಳಿಸಿಕೊಳಬೇಕಲ್ಲ
ಹಲವು ಜನರ ಒಲವು
ಇಲ್ಲದಿದ್ದರೆ
ಭಿನ್ನಮತೀಯರಿಗೆ ಗೆಲುವು
ಇಂದಿದ್ದವರು ನಾಳೆ
ಇರಲಾರರು ಜೊತೆಗೆ
ಎಲ್ಲರಿಗು ಆಸೆ
ಕುರ್ಚಿಯದ್ದೆ ಕೊನೆಗೆ
ಇಂದು ಈ ಕಡೆ, ನಾಳೆ ಆ ಕಡೆ
ಉಳಿಯಲಿಲ್ಲ ನಿಷ್ಠೆ
ಯಾರಲ್ಲಿದೆಯೋ ಅಧಿಕಾರ
ನಾವವರ ಜೋತೆಗಷ್ಟೇ
ಕೊಡು ಕೊಳ್ಳುವಿಕೆಯಲ್ಲಿ
ಯಾರು ಯಾರಿಗೋ ಪಾಲು
ಚುನಾಯಿಸಿದ ಮತದಾರ
ನೋಡಿಯೇ ಕಂಗಾಲು.
ರಾಜಕಾರಣಿಗಳು, 'ಗಣ್ಯ' ವ್ಯಕ್ತಿಗಳು ನುಡಿದಂತೆ ನಡೆಯುವುದು ಅಥವಾ ಸರಳವಾಗಿ ಬದುಕುವುದು ಸಾಧ್ಯವೇ ಇಲ್ಲವಾ ಅಂತ ಆಗಾಗ ಅನಿಸುತ್ತದೆ. ಆದರೆ ಹೆಚ್ಚಾಗಿ ನಮಗಾಗುವುದು ನಿರಾಸೆಯೇ. ಅಂತಹುದರಲ್ಲಿ, ಅಪರೂಪಕ್ಕೆ ಸಿಕ್ಕವರು ನಮ್ಮ ಶಿಕ್ಷಣ ಸಚಿವರಾದ ಕಾಗೇರಿ!
ಬರಿಯ ಭಾಷಣ,ಲೇಖನಗಳಲ್ಲಿ ಕನ್ನಡಾಭಿಮಾನ ಪ್ರದರ್ಶಿಸುವ ಬಹುಸಂಖ್ಯಾತರ ಮುಂದೆ ಸದ್ದಿಲ್ಲದೆ ಒಳ್ಳೆಯ ಕಾರ್ಯ ಮಾಡಿದ್ದಾರೆ.ತಮ್ಮ ಮಕ್ಕಳನ್ನು ಸರ್ಕಾರಿ ಶಾಲೆಯಲ್ಲಿಯೇ ಕಲಿಸುತ್ತಿದ್ದಾರೆ. ಆ ಮೂಲಕ ಸಮಾಜಕ್ಕೆ ಮಾದರಿಯಾಗಿದ್ದಾರೆ. 'ಕಾಲ ಕೆಟ್ಟು ಹೋಗಿದೆ' ,'ಒಳ್ಳೆಯವರಿಲ್ಲ...' ಎಂದು ಮುಂತಾಗಿ ಹೇಳುತ್ತಾ ಕೂರುವ ಬದಲು, ಇರುವ ಒಳ್ಳೆಯತನವನ್ನು ಗುರುತಿಸಬೇಕಿದೆ. ಹಾಗೆ ಮಾಡಿದರೆ ಒಳ್ಳೆಯವರಿಗೂ ಒಳ್ಳೆಯವರಾಗಿರಲು ಸ್ಫೂರ್ತಿ ಬರಬಹುದೇನೋ.
