ಬದುಕು

ಬದುಕು ಸಾರ್ಥಕ-----------------
ನಮ್ಮ ಗೆಲುವುಗಳನ್ನ  ತಮ್ಮ ಸುಖವೆಂಬ
ಜನನಿ ಜನಕರ ಮನಕೆ ನೆಮ್ಮದಿ ಇತ್ತರೆ

ಆಟ ಪಾಟ ಎಂದು ಜೊತೆಯಾಗೊ ಸ್ನೇಹಕ್ಕೆ
ಸವಿ ಸೇರಿಸಿ ಬೆಳೆಸುವಂತಾದರೆ

ನಿಜ ಪ್ರೀತಿ ನೀಡಿದವರಿಗೆ
ಒಲುಮೆ ನಲುಮೆ ಹರಿಸುವಂತಾದರೆ

ಭರವಸೆ ಇಟ್ಟವರ ಬಯಕೆ
ತೀರಿಸುವಂತಾದರೆ

ಕೈಗೆ ಎಟುಕುವ ಆಸೆಗಳೇ
ನಮ್ಮ ಬಯಕೆಗಳಾದರೆ

ಮೆಚ್ಚಿದ ಮನದ ಕದ ತಟ್ಟಿ
ಬದುಕು ಪೂರ್ತಿ ಜೊತೆಯಾದರೆ

ಕಂಡ ಕನಸಿನ ಕೂಸು
ಮನ ತುಂಬಾ ಮನೆ ತುಂಬಾ
ಓಡಾಡಿದರೆ

ಬದುಕು ಸಾರ್ಥಕ
  --ತೇಜಸ್ವಿನಿ